Emmanuel Makron jamoasi Yelisey saroyini tark etmoqda

Fransiya prezidenti Emmanuel Makron vakolat muddati yakunlanishi arafasida uning jamoasi Yelisey saroyidagi lavozimlarini bosqichma-bosqich tark eta boshladi.

Politico ma’lumotlariga ko‘ra, Makron uchinchi muddatga nomzodini qo‘ya olmasligi va parlament orqali o‘z dasturini o‘tkazishda qiyinchiliklarga duch kelgani sabab, uning yaqin atrofidagilar yangi lavozimlarga tayyorgarlik ko‘rmoqda.

So‘nggi ikki oy ichida jamoadan to‘rt nafar yuqori lavozimli maslahatchi, jumladan, siyosiy yo‘nalishlarni muvofiqlashtirishga mas’ul ikki nafar rahbar o‘rinbosari ishdan ketgan.

Nashr ta’kidlashicha, Makron atrofidagi tarafdorlar doirasi saqlanib qolgan bo‘lsa-da, u tobora qisqarib bormoqda.