Seshanba kuni YEI va Moldova mudofaa va xavfsizlik bo‘yicha hamkorlik to‘g‘risidagi bitimni imzoladi.
Bu haqda Yevropa Ittifoqi diplomatiyasi rahbari Josep Borrel X ijtimoiy tarmog‘idagi sahifasida ma’lum qildi.
"Moldova Yevropa Ittifoqi bilan xavfsizlik va mudofaa sohasida hamkorlik to‘g‘risida shartnoma imzolagan birinchi davlat bo‘ldi. Bunday hamkorlik mamlakat barqarorligini ta’minlaydi. Bu birgalikda mudofaa masalalaridagi muammolarni birgalikda hal qilishda, bizning harakatlarimizning samaradorligini oshirishda, hamkorlikning yangi yo‘nalishlarini ochishda yordam beradi”, — deb yozadi u.
Avvalroq OAV Moldova va YEI xavfsizlik sohasidagi hamkorlikni “misli ko‘rilmagan darajada” chuqurlashtirishga kelishib olishi haqida xabar bergan edi.
Qayd etilishicha, YEI taklifiga ko‘ra, Moldova ittifoq davlatlari bilan razvedka ma’lumotlarini faolroq almashadi, qo‘shma harbiy mashg‘ulotlar va harbiy xaridlar dasturlarida ishtirok etadi. Yangi kelishuv Moldova va YEI o‘rtasidagi xorijiy aralashuv, terrorizm va kibertahdidlarga qarshi kurashda hamkorlik darajasini oshirishga ham qaratilgan.