Bloomberg agentligining ma’lum qilishicha, Yevropa Ittifoqi Yevropa kompaniyalariga Rossiya neftini dengiz orqali sug‘urtalash va uni tashishni taqiqlash imkoniyatini ko‘rib chiqmoqda. Taqiqlar, Rossiya neftining belgilangan maksimal narxidan qat’iy nazar amal qilishi kutilmoqda. Agar bu choralar ma’qullansa Rossiyadan neft olib kelish sezilarli darajada murakkablashadi.
Hozirda Yevropa kompaniyalariga narxi belgilangan chegaradan yuqori bo‘lgan Rossiya neftini yetkazib berishda ishtirok etish taqiqlangan.
Shuningdek, Rossiya neftini tashishda ishlatiladigan “soya floti”ga kiruvchi kemalar ro‘yxati ham kengaytirilishi rejalashtirilmoqda.
Bloomberg ma’lumotiga ko‘ra, yangi sanksiyalar paketiga Rossiya banklari, kriptovalyuta xizmatlari va Moskvaga sanksiyalarni aylanib o‘tishda yordam berayotgan uchinchi davlatlardagi moliya tashkilotlariga nisbatan ham qo‘shimcha cheklovlar kiritilishi rejalashtirilgan.
Evropa Ittifoqi tayyorlayotgan sanksiyalar Rossiyaning neft eksportidan tushadigan daromadlarni kamaytirish va ilgari joriy qilingan cheklovlarni aylanib o‘tishni qiyinlashtirishga qaratilgan.
Aholini ro‘yxatga olish savolnomasini xato to‘ldirganlarga ogohlantirish yuborilmoqda
Nikolay Valuyev: "Markaziy Osiyo davlatlariga hech qachon tahdid qilmaganman"
Xitoy qurolli kuchlari eng katta yo‘qotishlardan biriga duch keldi
