Ed Shiran Angliyada muxlislik qiladigan jamoasining o‘yiniga tashrif buyurdi

Angliyada Chempionship joriy mavsumi yakunida "Ipsvich" Premyer-ligaga to‘g‘ridan-to‘g‘ri chiqish uchun keskin kurashda ishtirok etmoqda. Dunyoga mashhur qo‘shiqchi va jamoa muxlisi Ed Shiran "Ipsvich"ning elitaga chiqish uchun to‘g‘ridan-to‘g‘ri raqibi - "Sautgempton"ga qarshi o‘yiniga tashrif buyurdi.

Jamoa o‘zining yulduzli muxlisini ham, homiysini ham juda xursand qildi - "Ipsvich" "avliyolar" ustidan 3:2 hisobida irodali g‘alaba qozondi va 87 ochko bilan vaqtincha birinchi o‘ringa ko‘tarilib oldi. Jadvalning ikkinchi jamoasi “Lids”da 85 ochko bor, ammo ularda zaxira o‘yini ham bor. Shuningdek, yana bir zaxira o‘yiniga ega “Lester” 83 ochko bilan uchinchi o‘rinda bormoqda.

Ed Shiran 2021 yilda "Ipsvich" homiysi sifatida shartnoma imzolagandi.