O‘zbekiston sport vazirligi, Milliy olimpiya qo‘mitasi, mamlakatimiz gimnastika federasiyasi va boshqa bir qator tashkilotlar tomonidan tashkil etilayotgan mazkur musobaqada dunyoning 34 mamlakatidan 100 dan ortiq gimnastikachi qizlar ishtirok etadi.
Jahon kubogida O‘zbekiston terma jamoasi a’zolari yakkalik va guruh dasturida ishtirok etadi. Aniqrog‘i, yakkalik dasturida Taxmina Ikromova hamda Natalya Usova, guruh mashqida Shahzoda Ibragimova, Mumtozabonu Is’hoqzoda, Evelina Atalyans, Amaliya Mamedova va Iroda Sodiqova kabi gimnastikachilardan iborat jamoamiz bahslarga kirishadi.
Jumladan bugun, 26 aprel kuni musobaqaning yakkalik bahslarida halqa va koptokda mashq bajarish bo‘yicha bahslar o‘tkaziladi. Ushbu bellashuvlarda Taxmina Ikromova hamda Natalya Usova «B» guruhidan o‘rin oldi.
Shuningdek, guruh bellashuvlarida jamoalar 5 ta halqada mashq bajarish bo‘yicha o‘zaro raqobatlashadi. Aniqrog‘i, «A» guruhida terma jamoamiz bilan birga Finlyandiya, Turkiya, Vengriya, Fransiya, Qozog‘iston, Qirg‘iziston, Polsha, Gruziya, Xitoy va Germaniya terma jamoalari kuch sinashadi.
Bahodir Jalolov finalda o‘zbek bokschisi bilan jang qildi
Hasanboy Do‘smatov Rossiyadagi yurishini g‘alaba bilan boshladi
«Penaltini urolmaganidan keyin 3 kun uxlolmay chiqdim» — Prezident O‘zbekiston U-23 jamoasi haqida gapirdi
