– Dunyoda uy-joyi, tirikchilik vositasi yoki rasmiy hujjatidan ayrilganlar 76 millionga yetdi, ular ichki ko‘chirilgan fuqarolar, – dedi Payper BMTning Jenevadagi ofisida o‘tkazilgan matbuot anjumanida.
Qayd etilishicha, tabiiy ofat tufayli ko‘chirilganlar tezda uyiga qaytishi mumkin, ammo Suriya va Somali kabi davlatlardagi to‘qnashuvdan jabr ko‘rganlar ko‘p yil uyidan uzoqda yashayapti.
Maslahatchi so‘nggi 10 yil ichida ichki ko‘chish ikki barobar ko‘payganini ma’lum qildi.
Statistikaga ko‘ra, eng yuqori ko‘chish darajasi Sudanda kuzatilgan. 116 mamlakat ichida ko‘chganlarning 90 foizi qurolli to‘qnashuv tufayli boshpanasini tark etishga majbur bo‘lgan.