«Toshshahartransxizmat» matbuot xizmatining xabar berishicha, yo‘lovchilarga qulaylik yaratish maqsadida Toshkent shahar yo‘lovchi tashish transportida maxsus (temir) jetonlardan foydalanish 2021 yil 1 yanvarga qadar uzaytirildi.
Poytaxtda jamoat transportida avtomatlashtirilgan to‘lov tizimini joriy etish doirasida yo‘lovchilarning yagona transport kartalari orqali yo‘l haqi to‘lovlarni amalga oshirishi ko‘lamini kengaytirish, avtomatlashtirilgan to‘lov tizimini to‘laqonli ishlab ketish jarayonini tezlashtirish, shuningdek, jamoat transportida naqd pul muomalasidan voz kechish maqsadida yagona transport kartasidan foydalanish mumkinligi ham ma’lum qilingan.
Qayd etilishicha, «Toshshahartransxizmat» tomonidan qabul qilingan tegishli buyruq faqatgina avtobuslarga taalluqli, metropoliten faoliyatiga tegishli emas.