Daraxtlarni kesgan fuqaroga jarima qo‘llanildi

Buxoro viloyati Ekologiya, atrof-muhitni muhofaza qilish va iqlim o‘zgarishi boshqarmasi tomonidan navbatdagi nazorat reyd tadbiri o‘tkazildi.

Olib borilgan nazorat reyd tadbirlari davomida Buxoro shahar “Sharq yulduzi” mahalla fuqarolar yig‘ini hududida joylashgan “Darxan” restorani oldida fuqaro M.O. qurilish ishlarini olib borish maqsadida 2 tup aylanta, 3 tup shumtol, jami 5 tup manzarali daraxtlarni kesib tashlaganligi aniqlandi.

Huquqbuzarlikni sodir etgan fuqaroga nisbatan O‘zbekiston Respublikasi MJtKning 79-moddasi 1-qismi bilan ma’muriy bayonnoma rasmiylashtirilib, tabiatga yetkazilgan zarar 26 million 860 ming so‘m hamda 8 million 500 ming so‘m jarima qo‘llanildi.

Ma’lumot uchun: Buxoro shahrida joriy yilda daraxtlarning kesilishi bilan bog‘liq 16 ta holat kuzatilgan. Natijada jami 146 million so‘m jarima hamda tabiatga yetkazilgan zarar hisoblangan.