Crocus City Hall konsert zalidagi teraktni tashkillashtirishda bevosita ishtirok etgan Markaziy Osiyodan 6 nafar fuqaro sirtdan hibsga olinib, qidiruvga berilgan. Bu haqda Rossiya Tergov qo‘mitasi rasmiy vakili Svetlana Petrenko ma’lum qildi.
"Teraktni bevosita tashkil etishni Markaziy Osiyodan 6 nafar fuqaro amalga oshirgan, ularning ayrimlari taxallus ostida faoliyat yuritadi. Ular xorijda, shuning uchun sirtdan hibsga olingan va qidiruvga berilgan" - dedi Petrenko.
Uning so‘zlariga ko‘ra, teraktning to‘rt nafar aybdori: Dalerjon Mirzoyev, Muhammadsobir Faizov, Shamsiddin Fariduni va Saidakram Rachabalizodani o‘z safiga aynan shu shaxslar jalb qilgan. Shuningdek, ular chet elda o‘qishni tashkil qilishgan.
Teraktni uyushtirganlar, shuningdek, ularning 15 nafar sherigi hibsda. Ular bilan tergov harakatlari yakunlandi. Ayblanuvchilar ish materiallari bilan tanishib bo‘lgach, sudga kelishadi.
Ukraina qurolli kuchlari rus qo‘shinlarining mudofaasini yorib o‘tib, Rossiyaning Belgorod viloyatidagi qishloqda mustahkamlandi
Makgregor yetti yilni panjara ortida o‘tkazishi mumkin
Eron TIV vaziri: "Eron urushga tayyor!"
