Allergiyasi bor odamlar virusli infeksiyalar hamda saratonga kamroq duch kelishadi.
Bu haqda allergolog-immunolog Alla Rijix Sputnik radiosiga bergan intervyusida aytib o‘tdi.
Ta’kidlanishicha, allergiyasi bor odamlarning COVID-19dan "himoya qilinishi" E (IgE) immunoglobulini darajasining oshishi bilan izohlanadi.
Shuningdek, shifikorning so‘zlariga ko‘ra, allergiya va koronavirus infeksiyasi ma’lum bir alomatlari bilan bir-biriga mos keladi. Zero, yo‘tal va nafas olish muammolari ikkala xastalikning ham keng tarqalgan alomati sifatida namoyon bo‘lishi mumkin.
Shu bois allergiyani COVID-19 bilan (yoki aksincha) adashtirmaslik uchun, albatta, shifokorga murojaat qilish tavsiya etiladi.
Qayd etilishicha, allergiyasi bor odamlar halokatli SARS-CoV-2 patogenidan to‘liq himoyalanishmagan. Ammo bunday bemorlarda koronavirus bilan kasallanish xavfi boshqalarnikiga qaraganda ancha pastdir.