G‘ijduvon tuman IIB xodimlari o‘tkazgan tezkor tadbir davomida Kogon tumani hududida joylashgan tamaddixonada G‘ijduvon tumani, Pamo‘za mahallasida yashovchi, 1982 yilda tug‘ilgan M.Y. gumonlanib tekshirildi.
Tekshiruvda u ovqatlanayotgan stoldagi oshxona likopchasidan 0,23 gramm «gashish» giyohvandlik moddasi topilib, tegishli tartibda hujjatlashtirib olindi. Tushlikni «o‘zgacha» o‘tkazishni niyat qilgan shaxsning qilmishi amalga oshmay qoldi.
Holat yuzasidan M.Y.ga nisbatan JKning 276-moddasi 1-qismi bilan jinoyat ishi qo‘zg‘atildi.