G‘ijduvon tuman prokuraturasi tomonidan fuqaro M.Fga nisbatan Jinoyat kodeksining 140 – moddasi, 3 - qismi “a” bandi, 173 – moddasi, 3 - qismi “a” bandi va 219 – moddasi, 2 - qismi bilan jinoyat ishi qo‘zg‘atildi.
Aniqlanishicha, MIB G‘ijduvon tumani bo‘limi Davlat ijrochisi Z.Zning ish yurituvida qarzdor “Fayzullo Xubiddin Fayz-bir” MCHJdan “Hududgazta’minoti” AJ foydasiga gaz bo‘yicha kommunal qarzdorlik hamda davlat foydasiga soliq va boshqa majburiy to‘lovlarni undirish haqidagi ijro ishi mavjud bo‘lgan.
Mazkur ijro ishi bo‘yicha ijro harakatlarini amalga oshirish uchun Davlat ijrochisi 14.09.2023 yilda fuqaro (qarzdor) M.Fning xonadoniga borganida, qarzdor ijro harakatlarini amalga oshirishiga to‘sqinlik qilib, qo‘llari bilan Davlat ijrochisining yuz hamda badanining turli sohalariga qasddan urib, yerda turgan temir bo‘lagi (armatura) bilan boshqaruvidagi “Lacetti” rusumli avtomashinasining old, orqa, o‘ng yon tomon old va orqa oynalarini sindirib, orqa o‘rindig‘iga o‘t qo‘yib, qasddan shikast yetkazgan.
Mazkur harakatlari uchun qarzdor M.F 14.09.2023 yilda JKning 140 - moddasi 3 - qismi “a” bandi, 173 - moddasi 3 - qismi “a” bandi va 219 - moddasi 2 - qismi bilan ishda ayblanuvchi tariqasida jalb qilinib, “qamoqqa olish” tarzidagi ehtiyot chorasi qo‘llanildi.
Viloyat prokuraturasi tomonidan mazkur jinoyat ishi tergovi alohida nazoratga olindi.
13—17 yanvar kunlari kutilayotgan ob-havo ma’lumoti e’lon qilindi
Dushanbadan dollar qanchaga yetishi e’lon qilindi
RASMAN! O‘qituvchilar avtomobillarni imtiyozli shartlar asosida xarid qilish mumkin, — “O‘zavtosanoat"
