Gap shundaki, «O‘zsanoatqurilishbank» bosh ofisi xodimi hamda shu bankning «To‘qimachilik» filiali boshqaruvchisi nomida zamonaviy issiqxonalar mavjud bo‘lgan.
Shu yilning aprelida Buxoro viloyatida yuz bergan kuchli shamol va yog‘ingarchilik 141,6 milliard so‘m zarar keltirgan. Shu sabab Prezident ko‘rsatmasi bilan yetkazilgan zararini bartaraf etish maqsadida banklarning foizsiz kredit ajratishi yo‘lga qo‘yilgan.
Garchi viloyatda yuz bergan kuchli dovul oqibatida bu ikki shaxsning mulkiga ziyon yetmagan bo‘lsa-da, ikki bankir o‘zaro til biriktirgan. Avvaliga o‘ziga tegishli issiqxonalarga jiddiy talafot yetgani to‘g‘risida qalbaki hujjatlar tayyorlagan. Bu ham yetmagandek, bank kengashini ogohlantirmasdan jami 2 milliard so‘m foizsiz kredit mablag‘larini ajratib, o‘z issiqxonalarining hisob raqamiga ko‘chirgan.
DXX viloyat boshqarmasi hamda Bosh prokuratura huzuridagi iqtisodiy jinoyatlarga qarshi kurashish departamentining o‘rganishlarida foizsiz kreditlar maqsadli foydalanilmagani ma’lum bo‘ldi. Hozirda ikkala bankirga nisbatan jinoiy ishi qo‘zg‘atilgan.
Eslatib o‘tamiz, Buxoro viloyatidagi tabiiy ofat oqibatlarini bartaraf etish uchun Davlat byudjetidan 164 milliard so‘m ajratilgan.
O‘zbekiston tibbiyoti og‘ir judolikka uchradi
Energiya tarmoqlariga o‘zboshimchalik bilan ularnish o‘g‘rilik hisoblanadi
Tatyana Karimova va Pyotr Karimov o‘rtasidagi sud ishi davom etmoqda
