Shotlandiyaning Bonxill shahrida yashovchi 65 yoshli nafaqaxo‘r Malkolm Uayt buterbroddan tushgan pomidorga sirg‘alib ketib, oyog‘ini yo‘qotdi, deydi “The Mirror” nashri.
Uayt voqea qanday sodir bo‘lganligi haqida girib berdi. Uning so‘zlariga ko‘ra, rafiqasi Ivonna unga buterbrod tayyorlab bergan.
"Ba’zi sabablar tufayli buterbrod bilan uyga qaytdim. Qo‘limdagi buterbrod ichidan bir dona pomidor yerga tushdi, men esa unga sirg‘alib ketdim va barmog‘imni plintusga urib oldim", deydi Uayt.
Shundan so‘ng jarohat olgan barmog‘i qora rangga kirgan va nafaqaxo‘r kasalxonaga murojaat qilgan. Shifokorlar unga sinish tashxisini qo‘yishgan, ammo ko‘p o‘tmay qora rang butun oyoq bo‘ylab tarqala boshlagan.
"Keyingi esimda qolgan narsa to‘rt kunlik reanimasiyada yotganimdan so‘ng kasalxonada uyg‘onganim", - deydi Uayt.
Ma’lum bo‘lishicha, shotlandiyalikda jarrohlik yo‘li bilan olib bo‘lmaydigan tromblar hosil bo‘lgan, shuning uchun erkakning oyog‘i kesib tashlangan.
Nafaqaxo‘rning so‘zlariga ko‘ra, operasiyadan keyin uning hayoti juda o‘zgargan. U uydan chiqishni to‘xtatgan va zinadan ko‘tarila olmasligi bois faqat mehmonxonada yashamoqda.
Barcha qilmoqchi bo‘lgan ishlarida esa rafiqasi yordam bermoqda.
O‘g‘ri bojxonachilar 26 tonna oltin bilan qo‘lga tushdi
Pentagon rahbari Ostin AQShning Raisiy vertolyoti halokatiga aloqador emasligiga ishontirdi
Qodirov Estoniyaga raketa hujumlarini uyushtirishga chaqirmoqda
