Britaniya qirollik xazinasi: Kimning eng ko‘p pul sarflaganligi oshkor bo‘ldi

Bukingem saroyi yillik moliyaviy hisobotni e’lon qildi, deb xabar bermoqda “Daily Mail”.

Ma’lumotlarga ko‘ra, Garri va Meganning qirol oilasining a’zolari sifatidagi so‘nggi rasmiy safari ingliz soliq to‘lovchilariga 245 ming funt sterlingga tushgan.

Ta’kidlanishicha, qirollik oila a’zolari orasida taniqli juftlik boshqalarga nisbatan eng ko‘p pul sarflagan.

Ro‘yxatda ikkinchi o‘rinni shahzoda Charlz egallagan. Uning 2019 yilda Ummonga qilgan ikki kunlik tashrifi Buyuk Britaniya byudjetiga 210 ming funt sterlingga tushgan.

Keyt Middlton va shahzoda Uilyamning Pokistonga parvozi esa 117 ming funt sterlingni tashkil qilgan.