"Barselona" vinger Ansu Fatini "Brayton"ga ijaraga beradi.
Bu haqda jurnalist Fabrisio Romano o‘zining “X” ijtimoiy tarmog‘idagi akkauntida yozdi.
Shu tariqa hujumkor futbolchi “Brayton” taklifini qabul qildi. Bu qarorda “chaykalar” bosh murabbiyi De Zerbi asosiy omil bo‘lmoqda.
Qayd etilishicha, yaqin orada tomonlar kelishuvning barcha tafsilotlarini hal qiladi.
2022/2023 yilgi mavsumda Fati "Barselona" safida barcha turnirlarda 50 ta o‘yin o‘tkazib, 10 ta gol urdi va 4 ta golli uzatmani amalga oshirdi. Futbolchining Kataloniya klubi bilan shartnomasi 2027 yilning iyun oyi oxirigacha amal qiladi. "Transfermarkt" portali ma’lumotlariga ko‘ra, futbolchining taxminiy bahosi 35 million yevroni tashkil qiladi.