Joriy yilning 26 iyul-11 avgust kunlari Fransiyaning Parij shahrida XXXIII yozgi Olimpiya o‘yinlari o‘tkazilganidan xabaringiz bor, albatta. Unda sportchilarimiz 8 ta oltin, 2 ta kumush va 3 ta bronza medalini qo‘lga kiritib, o‘zlarining tarixiy natijalari bilan dunyo sporti muxlisu-mutaxassislarining e’tiborini tortgani sir emas.
Ushbu musobaqalarda hakamlarimiz ham muvaffaqiyatli faoliyat olib bordi. Ularning halolligi, vaziyatlarni aniq baholashi hamda to‘g‘ri qarorlari uchun musobaqa tashkilotchilari o‘z minnatdorliklarini hozirga qadar turli usullarda bildirib o‘tmoqda.
Gap shundaki, hamyurtimiz, xalqaro toifadagi referi Alisher Polvonov “Parij-2024” boks bahslarini boshqarib bordi.
Olimpiya o‘yinlari muvaffaqiyatiga qo‘shgan hissasi, mehnati va sadoqati, Olimpiya qadriyatlarini keng yoyish va birlashtirishdagi ulkan yordami uchun xorazmlik hakamimiz Alisher Polvonov, Xalqaro olimpiya qo‘mitasi prezidenti Tomas Bax hamda “Parij-2024” Olimpiya va Paralimpiya o‘yinlari tashkiliy qo‘mitasi Prezidenti Toni Estanguyet tomonidan maxsus sertifikat bilan taqdirlandi.
Ukraina Mudofaa vaziri Rustem Umerov va Bosh razvedka boshqarmasi rahbari Kirill Budanov o‘z lavozimlaridan ozod etilishi mumkin — “Strana”
Isroilda Bosh vazir Netanyaxuga suiqasd uyushtirildi
Tojikiston Favqulodda vaziyatlar qo‘mitasi zilzilalardan so‘ng xavotir va sarosimaga tushgan aholini tinchlantirdi
