Evropa Ittifoqi mamlakatlari tashabbusi bilan 16 oktyabr kuni Turkiyaning Suriyadagi harbiy operasiyasi bo‘yicha BMT Xavfsizlik kengashining yopiq majlisi bo‘lib o‘tdi, deya xabar berdi BMT Yangiliklar markazi.
Ishtirokchilar uchrashuv yakunlari bo‘yicha Turkiyaning Suriyada harbiy operasiyalarni o‘tkazishi natijasida mamlakat shimoli-sharqidagi ISHID va boshqa terroristik guruhlar jangarilari ozodlikka chiqishi mumkinligidan chuqur xavotirda ekanliklarini bayon qildi. Kengash a’zolari ushbu hududdagi gumanitar vaziyatning yomonlashishidan ham har tomondan xavotirda.
Novosti agentligining Kurd avtonom ma’muriyatiga tayanib avvalroq xabar qilishicha, Suriya shimoli-sharqida ID terroristik tuzilmasi bilan bog‘liq 785 nafar chet ellik jangari Ayn-Issa lageridan mamlakatning Turkiya harbiy amaliyot o‘tkazayotgan shimoliy qismiga qochgan.
BMT ma’lumotlariga ko‘ra, operasiya natijasida aholi ko‘chishlarining yangi to‘lqini vujudga kelgan. Suriyaga insonparvarlik yordamini yetkazib berishning asosiy yo‘nalishlaridan biri xavf ostida qolgan: yuklarning katta qismi turk chegarasi orqali kelib tushmoqda.
Stoltenberg: “Agar Ukraina urushda yutqazsa..."
Amerikaliklar Putin nima uchun Shoyguni almashtirganini tushuntirdi
Armaniston shu yilning o‘zidayoq Yevropa Ittifoqiga kirishga tayyor
