BMT Bosh kotibi: Qirg‘iziston chegara masalalarini tinch yo‘l bilan hal qiladi

Qirg‘iziston chegarani delimitasiya va demarkasiya qilish masalalarini tinch yo‘l bilan hal qilmoqda.

Bu haqda BMT Bosh kotibi Antoniu Guterrish Prezident Sadir Japarov bilan Cho‘lpon-Otadagi davlat qarorgohida bo‘lib o‘tgan uchrashuvda aytib o‘tdi.

«Qirg‘iziston va BMT o‘rtasidagi hamkorlik samarali rivojlanmoqda.

Siz O‘zbekiston bilan chegaralarni delimitasiya qilish bo‘yicha kelishib oldingiz. O‘ylaymanki, Tojikiston bilan ham muammo hal bo‘ladi. Qirg‘izistonni tinchlik timsoli deyish mumkin», dedi u.