Bemavrid uyqu: Jizzaxda ikki erkak fojia qurboni bo‘ldi

Jizzax viloyati Sharof Rashidov tumani hududidan o‘tgan Toshkent – Termiz M-39 yo‘lining 975 kilometrida yo‘l-transport hodisasi yuz berdi. Samarqand tomon harakatlanayotgan “Damas” yo‘l chekkasida to‘xtab turgan “DAF” yuk avtomashinasining orqasidan urildi. Ma’lum bo‘lishicha, tungi 2:40 da yuz bergan ushbu avtohalokatga “Damas” haydovchisi – Qashqadaryo viloyati Chiroqchi tumani Qoraqiya qishlog‘ida yashovchi, 1987 yilda tug‘ilgan A. X.ning uxlab qolishi sabab bo‘lgan.

Oqibatda “Damas” haydovchisi hamda uning hamqishlog‘i, avtoulov salonida bo‘lgan  E. A. voqea joyida vafot etdi.

Holat yuzasidan tegishli tartibda jinoyat ishi qo‘zg‘atilgan.