4 avgust kuni Livan poytaxti Bayrutda yuz bergan kuchli portlash natijasida poytaxtdagi to‘rt mingga yaqin bino shikastlangan yoki butunlay vayron bo‘lgan.
Bu haqda Livan Ichki xavfsizlik boshqarmasi xabar berdi.
Shuningdek, prezident Mishel Aun Ispaniya qiroli Filipp VI bilan telefon orqali suhbatida, dastlabki hisob-kitoblarga ko‘ra, Livanga yetkazilgan zarar 15 milliard dollardan oshganini tasdiqladi.
Shu bilan birga, Ispaniya qiroli Livan xalqiga hamdardlik bildirgan holda zarur yordam ko‘rsatishga tayyorligini ma’lum qildi.