Livan Prezidenti Mishel Naim Aun 4 avgust kuni Bayrut portida sodir bo‘lgan kuchli portlash sababi hali aniqlanmaganligini ma’lum qildi.
"Tashqi kuchlarning ishtiroki, raketa yoki bomba ishlatilgan bo‘lishi mumkinligi haqidagi qarashlar esa istisno qilinmayapti", deya ta’kidlagan Livan prezidenti.
Avvalroq, Bayrutda yuz bergan portlashga portda saqlangan selitra sabab bo‘lganligi haqida xabar berilgan edi.
Fojia natijasida 150 dan ortiq odam portlash qurboniga aylandi, yana 5 mingga yaqin kishi jarohat oldi.