AQSh Davlat departamenti Kongressni Isroilga 8 milliard dollarlik qurol-yarog‘ sotish haqida “norasmiy” xabar berdi. Shartnomaga qiruvchi samolyotlar, hujum vertolyotlari va artilleriya o‘qlari kiradi, deya xabar beradi Axios vaziyatdan xabardor manbaga tayanib.
“Prezident Isroil xalqaro huquq va xalqaro gumanitar huquq asosida o‘z fuqarolarini himoya qilish, Eron va uning ishonchli guruhlari tomonidan tajovuzni oldini olish huquqiga ega ekanligini aniq aytdi. Biz Isroil mudofaasi uchun zarur bo‘lgan imkoniyatlarni taqdim etishda davom etamiz”, — dedi AQSh rasmiysi.
Qaror Jo Bayden prezidentligining so‘nggi kunlarida, 20 yanvar kuni Donald Tramp inaugurasiyasi oldidan qabul qilingan. 2023-yil 7-oktyabrda mojaro boshlanganidan beri G‘azo sektorida 45 650 dan ortiq falastinlik halok bo‘lgan bir paytda AQSh Isroilga harbiy yordam ko‘rsatgani uchun tanqid ostiga olindi.
Jahon IQ reytingi: eng aqlli insonlar qaysi davlatlarda yashaydi? O‘zbekiston nechanchi o‘rinda?
Yana bir yirik davlat BRIKS a’zosiga aylandi
O‘limga hukm qilingan amerikalik imkon qadar tezroq qatl qilinishini so‘radi
