Bayden Oq uyda mushuk asrab oldi

AQSh prezidenti Jo Bayden Oq uyda mushuk asrab oldi. Hayvonga Uillou deb nom qo‘yildi. Bu haqda Amerika yetakchisi Tvitterdagi rasmiy sahifasida yozgan.

«Bayden oilasiga xush kelibsiz, Uillou!», deb yozdi Oq uy rahbari postga mushukning suratini ilova qilib.

OAV ma’lumotlariga ko‘ra, mushuk ikki yoshda. Xabar qilinishicha, prezident oilasi jonivorga birinchi xonimning ona shahri Uillou-Grouv sharafiga nom berishgan.

Jill Bayden matbuot kotibi Maykl Larozaning so‘zlariga ko‘ra, prezident oilasining mushuk bilan birinchi uchrashuvi 2020 yilda Pensilvaniyada bo‘lib o‘tgan. Hayvon sahnaga sakrab Jo Baydenning saylovoldi nutqini to‘xtatdi.

Qayd etilishicha, Uillou Oq uydagi o‘n yildan ortiq vaqtdan beri birinchi mushuk bo‘ldi. Ilgari u yerda AQShning sobiq prezidenti Jorj Bushga tegishli bo‘lgan Hindiston mushugi yashagan. U 2009 yilda vafot etgan.