AQSh Milliy xavfsizlik maslahatchisi Jeyk Sallivan 5-6 yanvar kunlari Hindistonga tashrif buyurib, hamkasbi Ajit Doval bilan uchrashadi.
Bu haqda Oq uy matbuot xizmati ma’lum qildi.
Qayd etilishicha, uchrashuv davomida AQSH-Hindiston munosabatlarini qamrab oluvchi keng ko‘lamli masalalar, jumladan, kosmik texnologiyalar, mudofaa, Hind-Tinch okeani mintaqasi va undan tashqarida xavfsizlikning ustuvor yo‘nalishlari kabi masalalar muhokama qilinadi.
Sallivan tashrif davomida Hindiston tashqi ishlar vaziri Subramanyam Djayshankar bilan ham uchrashadi.
