«Barselona» yozda nechta transferga qo‘l urmoqchi ekani ma’lum bo‘ldi

«Barselona» prezidenti Joan Laporta klub yozgi transfer oynasida qator transferlarga qo‘l urmasligini ma’lum qildi.

«Jamoani kuchaytirishi mumkin bo‘lgan bir yoki ikkita o‘yinchi taklif etiladi. Biz qurayotgan jamoaga putur yetkazishi mumkin bo‘lgan transferlar uchun ortiqcha mablag‘ sarflashni zaruriyati yo‘q», - deya Joan Laportaning so‘zlarini keltiradi Mundo Deportivo.

Ma’lumot uchun, Kataloniya klubi La Ligada 29-turdan keyin 64 ochko bilan 2-o‘rinda bormoqda. Peshqadam «Real» bilan farq 8 ochkoni tashkil etadi.