Tula shahrida yashovchi fuqaro katta firibgarliklar uchun olti yilga ozodlikdan mahrum qilindi. U bankdan 95 million rubldan ortiq pulni o‘g‘irlashga muvaffaq bo‘lgan. "Rossiya 1" va "Rossiya 24" telekanallarida efirga uzatiladigan Tula davlat teleradioeshittirish kompaniyasining xabar berishicha, hukm shaharning Soveskiy tuman sudi tomonidan chiqarilgan.
Tergov materiallariga ko‘ra, fuqaro tajribali xaker bo‘lib chiqdi va muassasa dasturiy ta’minotida texnik xatolikni aniqladi. Undan foydalanib, erkak o‘zining kartasiga deyarli 100 million pul o‘tkazdi. Buning uchun u 220 ta operasiyani bajarishi kerak edi.
Gumon qilinuvchi barcha o‘g‘irlangan pullarni o‘z farovonligini oshirishga sarflagan: uchta kvartira va ikkita xorijiy mashina sotib olgan. Mablag‘larning bir qismiga chet elda ta’tilga yo‘llanmalar sotib olgan.
Endi firibgarga uzoq muddatli jazo tayinlandi. Shuningdek, u bank foydasiga 56 million rubldan ortiq miqdorda moddiy zararni qoplashi kerak. Hukm ustidan shikoyat qilinishi mumkin.
