Bahraynda inshootlarda koronavirus va boshqa mikroorganizmlarni yo‘q qila oluvchi robot sinovdan o‘tkazilmoqda. Qurilma virusga qisqa to‘lqinli ultrabinafsha nurlanish yordamida ta’sir qiladi.
Daily Mail nashrining xabar berishicha, robot mikroorganizmlarning membranasini yemirib, 30 daqiqa ichida ularning 90 foizgachasini o‘ldiradi. Membrana yemirilishi oqibatida organizmlarning DNKsi parchalanadi. Ta’kidlanishicha, robot ishlayotgan vaqtda xonada odamlar bo‘lmasligi lozim, chunki undan chiqayotgan nur inson hujayralariga zarar yetkazishi mumkin.
Robot, shuningdek, 12 tilda gaplashadi, tana haroratini o‘lchaydi, ovozli buyruqlarga javob beradi va yuzni tanish texnologiyasini qo‘llaydi.
Sharqiy Angliya universiteti professori Pol Xanterning ta’kidlashicha, ultrabinafsha nur ko‘plab viruslarga qarshi samarali vosita hisoblanadi va keng qo‘llanadi. Jumladan, u yordamida ichimlik suvi zararsizlantiriladi.
Ayni vaqtda robot sanoat sharoitlarida sinovdan o‘tkazilmoqda. Bu orada robotning ikkita nusxasi Bahrayn tibbiy muassasalarida qo‘llanmoqda.
Ta’kidlanishicha, ultrabinafsha nur yordamida sirtlarni zararsizlantirish va viruslarni yo‘q qilish uchun mo‘ljallangan bunday qurilmalar bungacha AQSH, Xitoy va Daniyada ishlab chiqarilgan.
Avvalroq AQShning Boston universiteti olimlari maxsus lampalarning ultrabinafsha nuri koronavirusni tez yo‘q qila olishini aniqlashgandi. Ular o‘tkazgan tajriba kvadrat santimetr yuzaga 22 megajoul miqdordagi nurlanish virusni 25 soniyada 99,9999 foizga yo‘q qilishini ko‘rsatgan.
Shoygu urush tugaydigan “aniq va shubhasiz” sanani ma’lum qildi
Zelenskiy shuni yodda tutishi kerakki, u Ashraf G‘ani kabi yoki undan ham battarroq bo‘lishi mumkin
Garri Kasparov terrorchi sifatida tan olindi
