Isroil bosh vaziri Binyamin Netanyaxu umumiy siyosiy muhokamalarda nutq so‘zlash uchun minbarga chiqqanidan keyin ba’zi arab delegasiyalari norozilik sifatida BMT Bosh Assambleyasi zalini tark etdi, deb xabar beradi «TASS» muxbiri.
Rais Netanyaxuni minbarga taklif qilar ekan, o‘nlab diplomatlar o‘rnidan turib, xonani tark eta boshladi. Isroil Bosh vazirining nutqi yarim bo‘sh zalda o‘tdi. Ayrim delegasiyalar Netanyaxuning nutqida umuman qatnashmaslikni ma’qul ko‘rdi.