AQShning saylangan vise-prezidenti operasiya qilindi

AQShning saylangan vise-prezidenti Djeyms Devid Vens kichik jarrohlik amaliyotini o‘tkazdi.

Bu haqda Fox News telekanali ma’lum qildi.

Vise-prezident matbuot kotibi Uilyam Martinning so‘zlariga ko‘ra, operasiya anchadan beri rejalashtirilgan edi. U Vens ertaga ishga qaytishni rejalashtirganini qo‘shimcha qildi.

Telekanal xabariga ko‘ra, operasiya Jorj Vashington universiteti kasalxonasi shifokorlari tomonidan amalga oshirilgan. Ta’kidlanishicha, operasiya oldidan Vens AQSh Kongressi yuqori palatasida yangi senatorlarning qasamyod qabul qilish marosimida ishtirok etgan.