AQShda ishsizlik kamaymoqda: urush va noaniqlikka qaramay o‘sish tiklandi

AQShda mart oyida ish o‘rinlari soni kutilgandan yuqori darajada o‘sdi va ishsizlik pasaydi.

Rasmiy ma’lumotlarga ko‘ra, qishloq xo‘jaligidan tashqari ish o‘rinlari 178 mingtaga ko‘paygan. Shu bilan birga, ishsizlik darajasi 4,3 foizni tashkil etdi.

Oq uy ta’kidlashicha, bu natijalar iqtisodiy noaniqlik va Eron bilan bog‘liq mojaroga qaramay qayd etilgan. Ayniqsa, sog‘liqni saqlash va qurilish sohalaridagi o‘sish asosiy omil bo‘lgan.

Jumladan, qurilish sohasida bir oy ichida 26 mingta yangi ish o‘rni yaratilgani qayd etildi.

Mutaxassislar fikricha, bu ko‘rsatkichlar AQSh iqtisodiyoti tashqi bosimlarga qaramay barqaror qolishga harakat qilayotganini ko‘rsatadi.