AQSH—Xitoy mojarosi: Rossiya cho‘chimoqda

AQSh Prezidenti Donald Tramp Qo‘shma Shtatlar Xitoyning Gonkongga qarshi harakatlariga keskin javob berish harakatida ekanligini aytdi, bu qanday harakat ekanligi yaqin kunlarda e’lon qilinadi. Tramp Xitoyning Gonkong avtonomiyasini cheklash harakatlaridan norozi ekanligini bildirdi va bunday vaziyatda "erkin shahar" xalqaro moliyaviy markaz bo‘lib qolishiga shubha bildirdi.

Rossiya Fanlar akademiyasi mutaxassisi Andrey Ostrovskiy NSN telekanalida AQShning Gonkongdagi vaziyatga haddan tashqari qattiq munosabati Xitoyning javob reaksiyasiga sabab bo‘lishi mumkinligini aytdi. Natijada savdo munosabatlarining qulashi butun dunyo iqtisodiyotiga zarar yetkazadi.

"Biz Tramp aynan nimani nazarda tutganini bilmaymiz — siyosiy, iqtisodiy sanksiyalar. Yoki u shunchaki qo‘rqitgan. Gonkong bugungi kunda Xitoy hududidir. AQShning agressiv xatti-harakatlari boshqa mamlakatlarning ichki ishlariga aralashishiga sabab bo‘lishi mumkin. Xuddi Xitoy Amerikaning biror-bir shtatiga aralashayotgandek. Tramp Xitoyga turli xil sanksiyalarni kiritishi mumkin. Xitoyning Amerikaga va AQShning Xitoyga eksportini cheklash, bir qator Xitoy banklariga sanksiyalar kiritish, Xitoyning AQShga sarmoyasini cheklash — ko‘p narsalarni e’lon qilish mumkin. Ammo Xitoy ham bunga javob berishi mumkin. Katta ehtimol bilan Xitoy hozirda Xitoyda bo‘lgan, ekspertlarning fikriga ko‘ra, qiymati trillion dollardan oshadigan Amerika moliya obligasiyalarining qadrini tushirib yuborishi mumkin. Dollar darhol AQSh va global iqtisodiyot uchun salbiy oqibatlarga olib keladi. Afsuski, bu Rossiyaga ham ta’sir qiladi”, — deya qo‘shimcha qildi u.