Qo‘shma Shtatlar husiylarni kema qatnoviga qarshi hujumlardan tiyib turadigan har qanday kelishuvlarni tuzish uchun Isroildan ruxsat olishni talab qilmaydi. Bu haqda AQShning Isroildagi elchisi Mayk Xakabi ma’lum qildi.
Elchining ta’kidlashicha, AQSh husiylarning Isroil davlatiga qarshi hujumlariga faqat amerikaliklar jabr ko‘rgan taqdirdagina javob qaytaradi. Isroildagi amerikaliklar soni 700 mingga yaqin, deya qo‘shimcha qildi elchi.
Bir necha kun avval rasmiy Vashington AQSh husiylar bilan sulh tuzayotganini ma’lum qilgandi. Husiylar kema qatnoviga qarshi hujumlardan o‘zini tiyadi, AQSh esa Yamandagi husiylar obektlarini boshqa bombardimon qilmaydi.
Rasmiylarga ko‘ra, Isroil kelishuv haqida oldindan xabardor qilinmagan. Tramp bu haqda husiylarning raketasi Ben-Gurion aeroporti hududiga qulaganidan ikki kun o‘tib ma’lum qildi.
Kreml milliardlab topmoqda, Yevropa esa milliardlab sarflamoqda
Medvedevning xayollari
Durov: "Men rusman!"
