AQSh Rossiya fuqarolariga "Hizbulloh"ni qo‘llab-quvvatlagani uchun sanksiyalar joriy qildi

Qo‘shma Shtatlar Livanning "Hizbulloh" harakatiga AQSh sanksiyalaridan qochishda yordam bergan shaxslarga sanksiyalar qo‘lladi.

Bu haqda AQSh Moliya vazirligining Xorijiy aktivlarni nazorat qilish boshqarmasi ma’lum qildi.

Sanksiyalar Rossiya fuqarosi Andrey Borisov va bitta Livan fuqarosiga qaratilgan. Bundan tashqari, Livan, Panama va Turkiyada joylashgan to‘rt kishiga, shuningdek, ikkita yirik yuk tashuvchiga sanksiyalar qo‘llanildi.

AQSh Davlat departamenti matbuot xizmati Vashington "Eron va uning ishonchli kuchlariga bosimni kuchaytirishga" umid qilayotganini da’vo qilmoqda.

Sanksiyalar ro‘yxatiga kiritilishi AQShdagi aktivlarni muzlatish va Amerika fuqarolari va kompaniyalarining ko‘rsatilgan shaxslar bilan biznes qilishini taqiqlashni o‘z ichiga oladi.