AQSh Nigeriyada antiterror amaliyotini boshlashi mumkin

Bu haqda Oq uy matbuot kotibi Kerolayn Livitt ma’lum qildi.

"Agar Nigeriya hukumati mamlakatdagi nasroniylarning o‘limiga yo‘l qo‘yishda davom etsa, Qo‘shma Shtatlar barcha yordam va qo‘llab-quvvatlashni darhol to‘xtatadi va ushbu dahshatli vahshiyliklarni sodir etayotgan terrorchilarni yo‘q qilish uchun chora ko‘rishi mumkin", — dedi Kerolayn Livitt.

Avvalroq AQSh prezidenti Donald Tramp Nigeriya hukumatini nasroniy aholini himoya qila olmaslikda ayblab, ekstremistlarga qarshi harbiy choralar ko‘rish bilan tahdid qilgandi.