Birlashgan Millatlar Tashkiloti Bosh kotibi Antoniu Guterrish 29 iyun kuni Markaziy Osiyo tomonga yo‘l oladi.
«Report»ning AQSh byurosiga tayanib, xabar berishicha, Bosh kotib avvaliga O‘zbekistonda bo‘ladi, so‘ngra Qirg‘iziston, Qozog‘iston, Tojikiston va Turkmanistonga boradi.
A.Guterrish tashrifi davomida har bir davlat rahbari va boshqa yuqori martabali davlat amaldorlari bilan uchrashuvlar o‘tkazishi rejalashtirilgan.
Shuningdek, u iqlim o‘zgarishi bilan bog‘liq loyihalar bilan tanishadi va Qozog‘istondagi mahalliy hamjamiyat va faol yoshlar bilan uchrashadi. Bosh kotib 4 iyul kuni Ostona shahrida bo‘lib o‘tadigan Shanxay hamkorlik tashkiloti sammitida ham ishtirok etadi.
Sayohat 7 iyul kuni yakunlanadi.