2018 yilning 12 may kuni Toshkent shahrida joylashgan “Anhor-Lokomotiv” bog‘idagi “Balandlik” atraksionida uynagan 11 yoshli bola o‘zini noqulay ahvolda sezgani qayd etilgan. Mirzo Ulug‘bek tumanidagi maktablardan birining o‘quvchisi bo‘lgan, 11 yoshli bolaning sog‘ligi yomonlashadi.
Voqea soat 21:35da sodir bo‘lgan, soat 21:36:35 da esa bog‘ning tibbiyot xodimlari yetib kelishadi hamda birinchi tibbiy yordam ko‘rsatishga erishishadi.
Shundan so‘ng, bola bog‘dagi tibbiyot punktiga olib borilgan. Birinchi yordam ko‘rsatish jarayonida darhol tez yordam chaqirilgani ma’lum bo‘ldi.
Jabrlangan bola 1-SHKShga olib borilgan hamda shu yerda bola hayotdan ko‘z yumgani aytilmoqda. Aynan, bog‘dagi voqea sabab bolaning hayotdan ko‘z yumgani uchun ham bog‘ ma’muriyati bolaning ota-onasi va yaqinlariga o‘z hamdardliklarini bildirishmoqda.
Shu o‘rinda Aniq.uz tahririyati ham vafot etgan bolaning oila a’zolari va yaqinlariga chuqur hamdarlik bildiradi.
Eslatib o‘tamiz, hodisa sabab "Anhor-loklmativ" bog‘i ma’muriyati 13-14 may kunlari bog‘ hududidagi barcha ko‘ngilochar tadbirlarni bekor qildi.
manba: UzNews.uz
