Yoqilg‘i - energiya resurslaridan noqonuniy foydalanish bilan bog‘liq holatlarni fosh etishga qaratilgan nazorat tadbirlari davom etmoqda.
Xususan, Andijon viloyati, Andijon shahri, “Bo‘ston” mahallasidagi “B.S.Z.” MCHJga qarashli noturar joy binosida fuqaro A.YU. tegishli tartibda ro‘yxatdan o‘tmasdan alyuminiy eritish sexini tashkil qilib, eritish pechlarini tarmoqqa o‘zboshimchalik bilan ulab, 6 mlrd. 782 mln. so‘mlik 4 mln 521 ming metr. kub tabiiy gazni o‘g‘irlagani aniqlangan.
Mazkur holat yuzasidan fuqaro A.YU., “B.S.Z.” MCHJ va Andijon shahar gaz ta’minoti bo‘limi mansabdor shaxslariga nisbatan Jinoyat Kodeksining 169-moddasi 4-qismi “a” bandi bilan jinoyat ishi qo‘zg‘atilib, gumonlanuvchi shaxs prosessual tartibda ushlangan.