Avval xabar berganimizdek, shu kunlarda Oliy Majlis Qonunchilik palatasi deputatlari o‘zi saylangan okruglarda bo‘lib, saylovchilar bilan uchrashuvlar o‘tkazishmoqda.
Xususan, Qonunchilik palatasi deputatlari Shuhrat Sharafutdinov hamda Mavluda Ibragimovalarning Farg‘ona viloyati Buvayda tumanidagi aholi bilan o‘tkazgan uchrashuvlari qizg‘in kechdi.
Uchrashuvda dastlab qonunchilikdagi so‘nggi yangiliklar, jumladan, “O‘zbekiston – 2030” strategiyasidagi 5 ta ustuvor yo‘nalish va 100 ta maqsadning mazmun-mohiyati, ayniqsa, ta’lim tizimini yanada takomillashtirish, ayollar bandligini ta’minlashga oid ustuvor vazifalar yuzasidan ma’lumotlar berildi.
Shuningdek, “mahalladagi yettilik” faoliyati yo‘lga qo‘yilgani joylarda aholi muammolarini samarali hal etish imkonini berayotgani, aholi bilan ishlashning bunday tartibi davlat organlari va aholi o‘rtasida o‘zaro yaqinlikni hamda ishonchli hamkorlikni yangi pog‘onaga olib chiqayotgani alohida qayd etildi.
Muloqotlarda saylovchilarning fikr-mulohazalari, takliflari eshitildi. Shu bilan birga, aniqlangan ayrim masalalar yechimi nazoratga olindi.
Hududdagi uchrashuvlar davom etmoqda.
19 may kuni yomg‘ir yog‘ishi mumkin bo‘lgan hududlar e’lon qilindi
O‘zbekiston Eron Prezidenti bo‘lgan vertolyotning baxtsiz hodisaga uchrashiga munosabat bildirdi
Namanganda 63-xalqaro “Gullar festivali” boshlandi
