«E-IJRO AUKSION» yagona elektron savdo maydonchasida xalq orasida «Ahmadboy» nomini olgan Ahmadboy Tursunboyevga tegishli bo‘lgan, 2019 yilning dekabrida onlayn auksionga qo‘yilgan 10ta mol-mulkning 3tasi elektron onlayn-auksionlar orqali realizasiya qilingani haqida ma’lumot berdi.
Mulklarning 3 tasi ko‘chmas mulk, 7 tasi esa avtotransport vositalari edi.
2019 yilning 30 dekabr kuni o‘tgan savdolarda Namunali loyiha asosida qurilgan uy-joy 182 mln so‘mga sotilgandi.
Bugun, 10 yanvar kuni o‘tkazilgan onlayn savdolarda 2 ta avtotransport vositasi sotilgan.
Boshlang‘ich narxi 473 mln. so‘m bo‘lgan LAND CRUISER (PRADO) avtomobili savdolarda 539 mln so‘mga sotilgan.
CAPTIVA avtomobili esa 212,7 mln so‘mga baholangan.
Yana 7 ta mulk – 2ta ko‘chmas mulk va 5ta avtomobil qayta auksionga chiqariladi.
«Elektron onlayn auksionlarni tashkil etish markazi» DUK tomonidan bugungi kunda shaffof va ochiqlik tamoyillariga tayangan holda elektron onlayn-auksionlar tashkil etib kelinmoqda.
Ijro hujjatlari asosida realizasiya qilingan mol-mulklardan tushgan mablag‘larning katta qismi jabrlanuvchilarga ular ko‘rgan zararni qoplash maqsad uchun sarflanadi», deyiladi deyiladi «Elektron onlayn auksionlarni tashkil etish markazi» DUK xabarida.