Agar NATO ittifoqchilari qaror qilsa, Polsha o‘z hududida yadro qurolini joylashtirishga tayyor — Polsha prezidenti

Agar NATO ittifoqchilari qaror qilsa, Polsha o‘z hududida yadro qurolini joylashtirishga tayyor.

Anjey Duda bu haqda Fakt nashriga bergan intervyusida ma’lum qildi.

Prezident Rossiya Polsha bilan chegaradosh Kaliningrad viloyatini “borgan sari harbiylashtirayotgani” va Rossiya Federasiyasi yaqinda yadro qurolini Belarusga ko‘chirganini urg‘uladi.

"Agar ittifoqchilarimiz NATOning sharqiy qanoti xavfsizligini mustahkamlash uchun bizning hududimizda ham yadroviy quroldan birgalikda foydalanish doirasida kallaklarni joylashtirishga qaror qilsa, biz bunga tayyormiz", — deya tushuntirdi Duda.