"Agar Afg‘onistonda ko‘knori yetishtirilmasa, Yevropada minglab odamlar halok bo‘ladi"

Ispaniyaning El Pais gazetasining xabar berishicha, Afg‘onistonda ko‘knori ekinlarining kamayishi Yevropada fentanil yoki nitazin kabi sintetik va zararliroq dori vositalaridan foydalanish haqida xavotir uyg‘otgan.

Gazeta Barselona bosh tergov komissarining so‘zlaridan iqtibos keltirgan: "Agar Afg‘onistonda ko‘knori yetishtirilmasa, Yevropada minglab odamlar halok bo‘ladi".

Tolibon yetakchisining Afg‘onistonda giyohvand moddalar yetishtirish, ishlab chiqarish va savdosini taqiqlash haqidagi buyrug‘idan so‘ng BMT mamlakatda ko‘knori yetishtirish 95 foizga kamayganini e’lon qildi. Myanma hozir Afg‘onistonni ortda qoldirib, dunyodagi eng yirik afyun ishlab chiqaruvchisi bo‘lib qolmoqda.