Fransiyada polisiya jandarmeriyaga 841 marta qo‘ng‘iroq qilgan va xodimlarga qarata haqoratli so‘zlar aytgan 19 yoshli yigitni hibsga oldi, deb xabar beradi «Le Parisien».
Ta’kidlanishicha, Fransiyaning Sena va Marna departamentida yashovchi bu yigit uch kun ichida 841 marta polisiya va jandarmeriyaga uyali telefon orqali qo‘ng‘iroq qilib, xodimlarni haqoratlagan.
Huquq-tartibot idoralari xodimlari yigitni otasining uyida hibsga olishgan va qo‘ng‘iroqlar amalga oshirilgan telefonni musodara qilgan.
Qilgan qilmishidan pushaymon emasligini aytayotgan yigitning ta’kidlashicha, jarayon davomida “maza qilgan” va rohatlangan. Jinoyatchi tomonidan haqoratlangan bir qancha polisiya xodimlari shikoyat arizalari berishgan.
Psixologik ekspertiza aqli joyida ekanligini ko‘rsatgan yigit hozirda sud qarorini kutmoqda.
O‘g‘ri bojxonachilar 26 tonna oltin bilan qo‘lga tushdi
Tojikiston maktab ta’limiga to‘sqinlik qilganlik uchun jinoiy javobgarlikni kuchaytirdi
Armaniston shu yilning o‘zidayoq Yevropa Ittifoqiga kirishga tayyor
