Liberiya poytaxti Monroviyada bir guruh qurolli kishilar ibodat vaqtida cherkovga bostirib kirdi. Natijada 29 kishi, jumladan, 11 nafar bola halok bo‘ldi. Bu haqda Reuters 20 yanvar, payshanba kuni xabar berdi.
Voqea chorshanba kuni kechqurun Yangi Kru shaharchasi hududida sodir bo‘lgan. Hujum paytida cherkov ichida yuzlab odamlar bo‘lgan.
«Biz olomonga yaqinlashib kelayotgan bir guruh odamlarning pichoq va boshqa qurollarini ko‘rdik... Yugurib ketayotib, ba’zi odamlar yiqilib tushdi», dedi guvoh. U hujumchilar dindorlarni o‘g‘irlamoqchi bo‘lganini aytdi.
Shifokorlarning so‘zlariga ko‘ra, bir qancha qurbonlarning ahvoli og‘ir, shu bois o‘limlar soni ortishi mumkin. Mahalliy matbuotning yozishicha, qurbonlaridan biri homilador ayol bo‘lgan.
Payshanba kuni voqea joyiga tashrif buyurgan Liberiya prezidenti Jorj Vea halok bo‘lganlar uchun uch kunlik milliy motam e’lon qildi.
O‘g‘ri bojxonachilar 26 tonna oltin bilan qo‘lga tushdi
Pentagon rahbari Ostin AQShning Raisiy vertolyoti halokatiga aloqador emasligiga ishontirdi
Eron Raisiy vertolyotining qulashi sabablarini aytdi
