+18. Dahshat! Avf etilgan erkak odam a’zosidan ovqat tayyorlab, qarindoshlariga yedirmoqchi bo‘ldi

Qamoqdan muddatidan oldin ozod qilingan Oklaxoma shtatining 42 yoshli fuqarosi uch marta qotillik sodir etgan va yaqin qarindoshlariga qurbonlardan birining yuragini yedirmoqchi bo‘lgan. Bu haqda Oklahoman nashri xabar berdi.

2017 yilda Lourens Pol Anderson giyohvand moddalar savdosi va qurolni noqonuniy saqlash uchun 20 yilga hukm qilindi. Biroq, 2020 yil boshida, shtat gubernatori afv etish kengashining tavsiyasiga ko‘ra, jazoni to‘qqiz yil bilan almashtirdi va gumonlanuvchi uch yildan sal ko‘proq vaqt o‘tgach, o‘tgan yilning yanvarida ozod qilindi.

U mehmonxonaga joylashdi, ammo ko‘p vaqtini Chikkashdagi (Oklaxoma Siti chekkasidagi) 67 yoshli amakisi Leon Pening uyida o‘tkazdi. 9 fevral kuni tushdan keyin Anderson 41 yoshli qo‘shnining uyiga tashrif buyurdi. U yerda janjal yuzaga keldi va erkak ayolni o‘ldirdi. Keyin uning yuragini kesib olib, uyga qaytdi va shu tarzda "jinlarni ozod qilish" umidida yurakni kartoshka bilan birga pishirdi.

U amakisi va xolasini kechki ovqatni yeyishga unday olmadi: ular Andersonning qo‘lidan qonga bo‘yalgan ovqatni qabul qilishdan qat’iy bosh tortdilar. G‘azablangan erkak pichoqni olib, uy egasi va uning to‘rt yashar nevarasini o‘ldirdi, shuningdek, xotiniga jiddiy jarohat yetkazdi. Pol jinoyat sodir etilgan joyda qo‘lga olindi. 

Sud jarayonida Anderson aybini tan oldi va uni garov evaziga ozod qilmasliklarini so‘radi. Unga psixologik va psixiatrik ekspertiza tayinlandi.