Casumo Gollivud yulduzlarining kadrda aytgan bitta so‘zi uchun qancha gonorar olishini ma’lum qildi.
"Cinema Blend" portaliga ko‘ra, dunyoga mashhur aktyorlar reytingida bu borada eng ko‘p daromadni aktyor Tom Kruz oladi. Uning kadrdagi bitta so‘zi uchun to‘lanadigan haq 7 ming dollarni tashkil qiladi. Ajablanarli tomoni shundaki, Kruz ko‘pincha gonorar emas, filmdan tushgan daromaddan foiz olishni ma’qul ko‘radi.
Reytingning ikkinchi pog‘onasidagi Kurt Rassellning daromadi 5,6 ming dollarga teng. Uchinchi o‘rinni 4,8 ming dollar bilan Jonni Depp egalladi.
Kameron Diaz aktrisalar orasida rekord o‘rnatdi, u har bir so‘z uchun 4,6 ming dollar oladi.
