Bugun, 28 avgust kuni Toshkent shahrining Chilonzor tumanida elektromobil yonib ketdi. Bu haqda Toshkent shahar Favqulodda vaziyatlar boshqarmasi xabar berdi.
Qayd etilishicha, soat 08:09 da Chilonzor tumani Bunyodkor shox ko‘chasida elektromobil yonayotgani to‘g‘risida Toshkent shahar FVBga xabar tushgan. Shunga ko‘ra, yong‘in-qutqaruv texnikalari aytilgan manzilga soat 08:15 da yetib borib, yong‘in soat 08:19 da o‘chirilgan.
Xabarda aytilishicha, yong‘in oqibatida jabrlanganlar yo‘q. Hozirda hodisa sababi va keltirilgan moddiy zarar miqdori aniqlanmoqda.