O‘zbekistonliklarga Rossiya uchun jang qilish taqiqlangani yana bir bor eslatildi

O‘zbekiston Mehnat migrasiyasi agentligi xorijda mehnat qilayotgan fuqarolarni qurolli mojarolarda qatnashmaslikka yana bir bor chaqiradi. Bunga sabab, urushga yollash holatlari ko‘payib borayotgani. Ukrainaning "Xochu jit" loyihasiga ko‘ra, o‘zbekistonliklar birinchi o‘rinda ekan. Agentlik O‘zbekiston qonunlarida quyidagilar taqiqlanganini eslatib o‘tdi:

▪️qurolli mojarolar va harbiy harakatlar zonalariga yaqinlashish;
▪️harbiy harakatlarda qatnashish;
▪️xorijiy davlatlarning qurolli kuchlari, xavfsizlik xizmatlari, harbiy adliya yoki boshqa xavfsizlik organlariga kirish;
▪️shubhali shaxslar, guruhlar yoki tashkilotlar tomonidan yollanmaga berilish.