Bokuda 8,5 gektar maydonda “O‘zbekiston” bog‘i barpo etiladi

Shavkat Mirziyoyev va Ilhom Aliyev Bokuda “O‘zbekiston” bog‘ining poydevoriga ramziy kapsula qo‘ydi va muhim loyiha qurilishini boshlab berdi.

Bog‘ poydevori Bokuning jadal rivojlanayotgan “Oq shahar” hududida qurilmoqda. Loyihaga ko‘ra, 8,5 gektar maydonda O‘zbekistonning boy madaniyati va an’analarini namoyish etuvchi ulkan majmua barpo etiladi.

Bog‘ hududida o‘zbek me’moriy obidalari, sayilgohlar, mehmonxona, savdo va ko‘ngilochar maskanlar tashkil etiladi.