Rossiyada kuchli zilzila sodir bo‘ldi

Petropavlovsk-Kamchatskiy yaqinidagi Avacha ko‘rfazi suvlarida 5,2 magnitudali zilzila sodir bo‘ldi.

Bu haqda 2 iyul kuni "Rossiya Fanlar akademiyasining yagona geofizika xizmati" Federal tadqiqot markazining Kamchatka bo‘limi "Telegram"dagi kanalida ma’lum qildi.

Ta’kidlanishicha, seysmik hodisa shahardan 51 km uzoqlikda qayd etilgan. Uning manbai 88,2 km chuqurlikda joylashgan.

Bundan tashqari, Favqulodda vaziyatlar vazirligining viloyat bosh boshqarmasi matbuot xizmati Petropavlovsk-Kamchatskiyda 3 ballgacha kuchli silkinishlar sezilgani haqida xabar berdi. Sunami xavfi e’lon qilinmagan.